性感小雲雀KylieMinogue，最近幫香港《東西》雜誌一周年特刊拍咗一輯好誘惑嘅寫真，一向帶畀男士唔少遐想嘅Kylie，今次重分別以瑪麗蓮夢露（MarilynMonroe）同麥當娜（Madonna）兩個不同年代性感女神嘅造型示人，確實令到唔少男士想入非非。
今次Kylie喺雜誌入面，有幾個唔同嘅扮相，佢首先梳咗一個五十年代嘅鬈曲髮型，重着起凸顯佢條黃蜂腰嘅腰封，一舉手一投足都十足瑪麗蓮夢露上身，嗰種女人味簡直殺死人！扮完夢露之後，Kylie又着皮褲戴皮帽，打扮同九○年《JustifyMyLove》時期嘅麥當娜十足餅印咁！
不過Kylie接受雜誌訪問嗰陣，猛話唔明點解個個男人都當佢係惹火尤物，佢重強調自己只不過係普通人。查實Kylie經常以性感造型引誘人，我羅拉就覺得佢有啲口不對心嘞！