【本報訊】踏入二○○三年，首名「新年BB」於昨凌晨零時在伊利沙伯醫院搶閘出世，而第二名女嬰亦遲三分鐘在浸會醫院出生。
於昨日元旦凌晨零時首先在伊利沙伯醫院出世的男嬰重三點二六公斤，父母分別姓陳及姓葉，同為醫院精神科護士，夫婦於九八年結婚。陳太昨抱着兒子喜孜孜地表示，兒子較預產期早了個多星期出生，又是第一胎，夫婦二人都毫無準備，所以暫未替嬰兒改名。
她又笑說產子期間的趣事：「呢個BB係順產嘅，所以我痛足三個鐘，到差唔多十二點，啲姑娘就猛叫我出力，等佢可以做『新年BB』，點知我生咗一望番個鐘，估唔到真係咁啱搭正喎！」陳氏夫婦同時希望兒子能夠身體健康及快高長大，陳太更祈願：「人人有嘢做，香港會更好！」
至於第二名出世的女嬰於凌晨零時三分在浸會醫院誕生，重三點六五公斤。
吳太笑說：「我都有諗過想佢做第一個出世嘅BB㗎，所以我都不斷出晒力，但係生完先發覺都係遲咗三分鐘，不過冇所謂啦！」她只希望女兒能快樂健康，長得肥肥白白。