啱啱同個雜誌編輯結婚嘅本上麻奈美，婚後仍然照常工作，並冇諗過退休做少奶奶，佢今季重喺朝日電視台嘅新劇《戀愛戰鬥》入面擔正女主角，扮演一個失婚女人，最慘係成日俾舊朋友松岡充嘲笑，問佢係咪冇性愛所以搞到離婚喎！為咗做個堅強嘅女人，麻奈美結果上擂台打boxing，不過起初拍攝嗰陣雞手鴨腳，一味對住教練話唔識。講真，睇麻奈美得棚骨，又真係唔似會打拳喎！