阿松兩公婆噚日去咗金鐘太古廣場西武Shopping，大肚嘅小伏（圖右二）不忘扮靚，同朋友試化妝品，試到咁上下要埋單，財爺即時現身遞上AE卡，幫小伏買咗九件化妝品。小伏見記者影相都一直保持笑容，但就不時用個LV手袋遮住個肚。阿松就唔及小伏寬容，佢見記者影相，即唔多高興：「你哋邊間㗎？點解影我相？」係人都知太古廣場一向最多名人同記者喺度蒲，噚日更加係元旦日，阿松使唔使咁勞氣呀？
記者連問佢新年願望，阿松都好倔咁話「咪講咗囉。」再問除夕點過、BB幾時出世，佢都唔答，重出動大批太古廣場嘅保安護送。到兩夫婦上咗車，阿松先至好口番啲話：「你哋小心睇車，新年快樂。」然後開車絕塵而去。
顏英儀攝
傳真︰2623-9278
電郵︰