【本報訊】大除夕狂歡令尖沙嘴文化中心一帶再度變成垃圾崗，正當近二百名制服團隊成員和青年義工昨清晨七時準備清理場地之際，行政長官夫人董趙洪娉突然現身並激動地向在場義工「訓話」，指香港人只懂抱怨，又說：「我認為香港唔衰得，因為有你哋響度。」有社工界人士批評董太的言行令人反感及naive（幼稚），隨便將青少年分類，令年輕人的分化對立激化。
據悉，董太是昨早六時半才臨時通知負責人會到場。董太說要為這班自願收拾垃圾的青年人「打打氣」，她問義工：「睇到報紙話文化中心被塗污係咪好憤怒？」有青年答道：「我覺得佢哋好無公德心，所以嚟義務清潔。」董太即時語意盎然說：「啱！我都係！」
董太又說自己好傷心：「我啲朋友打電話問我……我哋啲青少年點解咁樣？你嚟問我，我問邊個？最叻我哋啲香港人就係complain（抱怨）、complain、complain，我好激動。」她又說：「你哋出現呢，我真係非常之……不單止感動，同埋我係好高興。我認為香港唔衰得嘅，因為有你哋響度。」她隨即用戴着勞工手套的手掃地上的紙屑，還說：「最衰無帶掃把嚟。」
社區組織協會主任何喜華批評董太的說話令人反感，「完全係家長語氣，佢哋兩公婆都係咁！」她根本未思考過年輕人做出破壞行為是宣洩對社會問題的不滿，問題是如何可以化解。
香港政策透視主席邵家臻也表示：「董太好naive（幼稚），佢只係當啲青少年係佢嘅仔，當家事咁處理，曳嘅就唔好理，乖嘅就錫啖！」將前晚參與狂歡的青少年抹黑，根本沒有解決潛在的青少年問題。
中文大學亞太研究所研究統籌員王家英則認為，董太的講話本身問題不大，但欠公關及政治技巧。
文化中心一帶昨收集到約六噸垃圾，較聖誕日的十三噸減少，當局共發出十張亂拋垃圾的告票。民政事務局局長何志平認為，除夕晚的措施有效，政府會檢討成效，再決定是否在農曆新年採用類似做法。
