除夕夜港九各處擠滿幾十萬人狂歡慶祝、睇煙花，熱鬧到得人驚，不過立法局議員陳智思（圖）就肯定唔會係其中之一，因為佢細個時年年俾阿爸陳有慶帶去食飯慶祝，食完呆坐幾粒鐘等倒數，覺得嘥時間到極點，自此之後就話有人請佢去除夕派對都唔去。
講到睇煙花，Bernard更加有陰影，佢多年前有次應朋友邀請，新年一大班人去咗新世界酒店開房睇煙花。咦，又話唔鍾意去新年派對？Bernard笑得好鬼馬：「嗰時重係Single（單身），你知唔同啲㗎啦！」
不過睇完煙花之後，酒店人多到連等電梯落樓都等極等唔到，結果要行幾十層後樓梯落地下。經此一役，Bernard話怕怕，所以今次除夕只係同太太去朋友屋企食餐飯，就趕返屋企搵周公。
傳真︰2623-9278
電郵︰