噚日係新一年開始，好多人都會揀去行街、睇戲同食飯消遣，又或者喺屋企同家人享受天倫之樂，歡度呢個普天同慶嘅日子。不過，香港佛教聯合會見𠵱家經濟咁差，噚日特登搞咗個「祝願香港特區繁榮安定萬人祈福會」，希望新一年香港有個好開始。
八方噚日亦有到場一齊為港人祈福，見到示威常客「女長毛」雷玉蓮亦有到場，佢重同八方講，自己係一個虔誠嘅佛教徒，去祈福會並唔係反對《基本法》二十三條惡法，而係為香港同港人祈福，希望今年可以平平安安咁度過。但如果董特首夾硬要將二十三條惡法喺今年交畀立法會通過，八方相信女長毛嘅心願可能會落空。
（圖）「女長毛」話自己係虔誠嘅佛教徒，去祈福會並唔係反二十三條。
傳真︰2623-9278
電郵︰