張文光留守功能組別 - 李八方

  張文光留守功能組別 - 李八方

民主黨內部一直傳聞,話𠵱家喺立法會代表教育界功能組別嘅張文光,下屆立法會選舉會轉戰直選議席。不過事件峯迴路轉,最近聽講話張文光已經拍板,留守功能組別,暫時唔諗直選住。
張文光呢個決定主要係因為教協。大家都知道,○七年嘅政制檢討,民主派最心急,阿董最唔想面對;其實除咗直選特首,另一個議題就係取消立法會嘅功能議席。工商界已經開始力保功能組別,教協當然希望張文光可以留守,處理啲棘手問題及立場,話晒佢都熟手啲。
如此一來,九龍東嘅選情又會出現變數,司徒華下屆退唔退休,仍未有定案。八方聽講好可能會視乎今年嘅區議會選舉結果,若果新人未能獨挑大旗,多次講過自己重可以服務社會嘅華叔,唔排除再戰直選。


傳真︰2623-9278
電郵︰[email protected]