張五常教授平日甚少踏足馬場，不過噚日元旦日賽馬，就見佢喺沙田馬場出現。大經濟學者賭馬會唔會叻過人，八方就唔知，淨係知道張教授噚日同大班朋友，包括壹集團前副主席周安橋，專程捧老友黃楚標愛駒「雪山飛狐」場。
講起呢隻馬個馬名，張五常都有份幫手改，可惜「雪山飛狐」臨出亮相圈時，鼻部因擦傷而要退出。雖然有啲掃興，但係「雪山飛狐」只係輕微擦傷，短期可再出賽，屆時張教授又可以入場打氣，話唔定可以拉番場頭馬㖭。
除咗張教授，有「光纖之父」之稱嘅前中大校長高錕，噚日亦喺馬場出現，佢話又係入場趁吓熱鬧，冇乜特別目的。高錕話攞咗十蚊買馬，但買咗邊隻馬就冇乜印象，不過就肯定輸咗。
（圖中）張五常教授專程入場捧佢有份命名嘅「雪山飛狐」場，可惜匹馬退出咗。
傳真︰2623-9278
電郵︰