大家唔好以為年輕人喺聖誕、元旦淨係識得去文化中心搞破壞，其實重有一班大學生唔去玩，而參加民主發展網絡主辦嘅三日兩夜討論營，去烏溪紗青年新村迎接○三年。
民主發展網絡由夏其龍神父及朱耀明牧師發起。一班後生仔喺營入面傾吓嚴肅認真嘅社會問題，但亦有輕鬆一面。話說其中一個環節，營友不約而同選出文化中心塗污事件為焦點新聞。
其中一位營友更忽發奇想，話與其派大批警察駐紮防範，不如製作一批阿董同三司十一局高官人像紙板公仔，擺喺文化中心門前，不過作用並非好似紙板警察咁起阻嚇作用，而係畀人噴漆「發洩」，唔使噴花晒藝術品同埋牆壁。八方反而好奇想知，真係有呢十五個紙板公仔的話，邊位會最受「歡迎」？
傳真︰2623-9278
電郵︰