滙豐銀行自從宣布收購美國金融機構Household後，就成為美國一個消費者組織ICP針對嘅對象，簡直似附骨之疽。八方噚日睇到報道，話呢個美國組織已去信新加坡金管局，要反對滙豐買當地一間保險公司嘅交易。
嘩，人哋喺新加坡收購公司，同美國消費者有乜關係啫，咁都要反對？
八方望真吓佢個反對理由，覺得認真搞笑，原來佢哋話滙豐收購Household之後，財政實力可能有負面影響，故此叫新加坡金管局考慮呢個因素；另一個反對理由係滙豐講過要用其他地區嘅資金支持Household，所以ICP覺得有權反對滙豐任何交易。
呢兩個講法都算「夠想像力」，美國消費者組織嘅「乜都搞」心態表露無遺，睇嚟滙豐今次有排煩。
傳真︰2623-9278
電郵︰