工商及科技局局長唐英年都算有求必應，噚日傳媒問佢新年願望，唐公子馬上寫咗成篇文章回應，反應敏捷。
喺唔少人眼中，唐局長難以擺脫公子哥兒形象，不過呢半年眼見佢真係幾努力，好似啱啱上任就因為一句「有生之年失業率都唔會低過百分之二」，俾人鬧咗好耐。今次佢學精咗，新年願望係「希望人人有工做」。睇嚟佢已深知真話未必人人啱聽，好話講多啲實冇蝕底。
唐局長除咗補鑊，都有真心嘅鼓勵，話明白港人對經濟憂慮，但佢喺香港住咗數十年，見到港人面對挑戰一向都自強不息，所以有信心大家可以克服困難，佢重希望中東唔好打仗。當然啦，戰鼓一響，經濟又會受創，呢位工商及科技局局長更加頭痕。
﹙圖﹚唐英年願人人有工做，重希望中東唔好打仗。
傳真︰2623-9278
電郵︰