今天是二○○三年的第一天，每個人也會默默許下願望。因為拍攝網上劇集而成為好友的陳曉東、方力申、李彩樺和周麗淇，趁着新一年的來臨，大家齊來許願。究竟這四位年輕偶像，若有機會變成另一個人，他們最想變成誰呢？
今年工作多多的陳曉東，新一年最想考電單車、潛水和飛機師牌，他說：「我覺得揸飛機飛上天係好奇妙嘅事。」而東東最想變成自己的女朋友，他說：「我覺得做陳曉東女朋友係全世界最幸福嘅女人，我亦好想做晒所有男仔冇做過嘅事。」
仍在求學的方力申，最希望自己能夠順利畢業、有一首代表歌曲兼在校內結識女朋友，他深思後說：「如果我同個女朋友都係呢個圈，大家嘅話題雖然好相近，但係大家都係公眾人物，壓力會好大。」而他夢想能變成籃球巨星米高佐敦（MichaelJordan）。
至於兩個女孩子李彩樺（Rain）和周麗淇，阿Rain願能靚足一世兼買車，她又覺得母親對家庭付出很多，十分偉大，所以她希望能變成她的母親。
而周麗淇則希望買到一間平房，她說：「我好想買一間house，可以同屋企人一齊住，因為一個人住怕悶兼怕有鬼。」
周麗淇還想做第一夫人，她說：「一國之君已經好大power，如果做佢嘅女人，咁咪重勁，好有權威，我鍾意呀！」
採訪：蔡如玉、王連連
攝影：甄朝健
