雖則話飲食界係經濟氣候嘅寒暑表，經濟唔好，酒樓食肆一間接一間關門大吉，但綜觀過往一年，仍有不少店舖，不論新店抑或老店，無時無刻都見到門口大排長龍，相信今年亦如是，但原來每間人龍店都有絕招逆市求生。
記者：陳冰麗、邵超
攝影：林栢鈞、周旭文、陳盛臣
香港人崇日風依舊熾熱，就算連食都要揀日本嘢，日本料理成行成市，而人龍店之最相信非和民居食屋莫屬。
勁爆原因
服務好餐牌靚
＊服務態度好，單看侍應踎底同你落單點菜，呢種劉德華式嘅服務態度就已經殺晒啦！
＊餐牌圖文並茂，唔使估估吓！
人龍店絕招
以平取勝
和民不時有一些季節料理迎合天氣轉變，例如𠵱家天氣凍會推出暖身食物如日式煲仔等菜式。重有價錢不算貴，想豪氣啲放滿成張枱，都係二三百蚊！
攞位貼士
預訂派對房
不設訂位服務的和民，七點後已要輪候等位，精明策略六點前到，等十多分鐘就有位。有十零人的話，另一個毋須等位方法，就是可預訂派對房，但最低消費12人約$2,400（每人約200蚊）。
據店內負責人統計，這款小食過去最多人order。以紫菜包住日本年糕，面再鋪上芝士同焗的芝士年糕，入口香濃軟滑。
只限冬天至有的其中小食，薄薄的蓮藕片經炸調後，香脆而爽口，佐酒一流。
和民居食屋
地址：銅鑼灣百德新街2-20號（舊舖）
電話：31623515
地址：尖沙嘴廣東道新太陽廣場地庫B09-10（新舖）
電話：31562567
勁爆原因
新晉景點兼食點
2002年蔡瀾美食坊由鼎泰豐開始，人龍一直不絕，更厲害到成為不少旅行團到此一遊的新景點，其中一樓的新房客「怡保新成發」於九月份開業時曾因人龍太長，員工忙不過來而要中場關店休息回氣，堪稱經典。
人龍店絕招
秘製調味料烹調
香港的代理人游說兩年才得到老闆葉氏夫婦答應在港開店，除秘製咖喱醬外，其他湯料是原材料一併直接空運到港，再經由到馬來西亞受訓的師傅按秘方烹調。
攞位貼士
11點賣清收舖
怡保新成發創業僅14年，怡保人已習慣每朝排隊吃它的咖喱麵當早餐，所以每朝六時開店，約十一時便賣清收舖，記住校啱時間。
摻摻是兩溝的意思，在這裏指油麵和米粉。配料跟咖喱湯麵一樣是腩肉、芽菜、蝦和豆卜，只是湯底換上蝦醬湯底，其鮮味絕對可以蓋過所有味覺神經。
怡保新成發
電話：31522689
地址：紅磡黃埔花園第8期蔡瀾美食坊1樓110號舖
營業時間：11:00am-10:30pm
勁爆原因
抵食夾大件
泉章居至今仍保持抵食夾大件的特色，即使是推出多時的套餐，如8人餐$438，飽肚有餘，可選擇全隻雞之外，還有其他大大份的梅菜扣肉等菜式，攤開每人只需五十零蚊。
人龍店絕招
金牌鹽焗雞
一味鹽焗雞已經殺晒，據老闆陳先生稱，平均每日賣五百隻，雞肉滑溜，香濃有雞味。
攞位貼士
6點後最少排半粒鐘
等位經驗所得，星期六、日六時前去泉章居，毋須等位。六點過後則起碼要等30分鐘，再遲就啲起碼要一粒鐘啦！可於前一日訂位，即日訂六點後不受理。
雞肉嫩滑，夾上筷子皮與肉即分開，入口並非得個鹹味，而是鹹香中有雞味。
泉章居飯店
電話：25773833
地址：銅鑼灣波斯富街108-120號
營業時間：11:00am-12:00mn