日前《新城勁爆頒獎禮2002》頒發六十多個獎項，被指有分豬肉之嫌，對此新城行政總裁甘國亮前晚甚為氣憤，更發脾氣說下次會頒一百個。
新城本周日率先舉行《新城勁爆頒獎禮2002》，為各音樂頒獎禮揭開序幕，可是這個剛結束的頒獎禮卻惹來不少是是非非。是非人物謝霆鋒、張栢芝、王菲及陳小春等四角戀的主角人物，齊齊在頒獎禮中食白果，但不少歌唱表現未見突出的歌手，卻紛紛獲得獎項。
而全場頒足六十多個巧立名目的獎項，有如給歌手們分豬肉一樣，新城行政總裁甘國亮前晚在中環出席派對時，對於被指頒獎禮分豬肉，顯得十分氣結。
甘國亮前晚說：「你哋話頒得獎多，如果邊間電台能做到皆大歡喜嘅，我就話佢叻。我哋搞頒獎禮唔係搞嚟鬧人，係想大家都開心嘅，唔係想搞嚟俾人唱，頒獎都係想鼓勵人啫。Hit嘅就已經頒晒，六十幾個都話頒唔晒，咁下次頒一百個好唔好？」
另外，當晚頒獎禮慶功宴門外發生fans罵戰，劉德華被罵老餅王，蕭正楠、李蘢怡及陳思慧等亦分別被罵，甘國亮則說：「我從來冇聽過，得嗰幾條友（指fans），我唔信。」
採訪：梁錦雯
攝影：林德雄
