一個人食飯其實都幾慘，慘在係唔知食乜好，但如果係除夕同元旦都得番你一個人食飯，原來都唔係想像中咁慘，皆因唔少快餐店都會於新年期間推出特別套餐，好似美心快餐在今明兩日，於午市及晚市加設了一款新年大餐，客人只需附上$33，就可以食勻蟹柳沙律、海鮮周打湯、烤火雞拼牛扒、吉士布甸及餐飲一杯，價錢同大酒店梗係無得比，而且成間快餐店咁多人陪你，想寂寞都幾難。若然一家人出外唔想花費咁多的話，同場重有新年兒童餐，每位$28便有海鮮周打湯、烤火雞拼牛扒、吉士布甸及橙汁一杯，唔使同人迫之餘，一家四口都不過百零蚊埋單，夠晒經濟實惠。
記者：尹珊珊
供應點：美心快餐及美心美食