美股杜指上周五下跌128點，港股期指結算日大跌172點，恒指收9272。
美伊局勢緊張，影響各國紛紛增加原油儲備，推高油價至30美元以上。近期資金開始流出美元區，美股表現相當疲弱。美股明年展望仍離不開炒經濟復甦或雙底衰退。資金流出美元區後一段時間內亦不會回流，但弱美元有助出口，幫助經濟復甦，當資金回流，美股年中有機會大幅反彈。
外資對港股興趣已大減，法興亦結束本地證券業務便可見一斑。電訊及綜合企業股價偏高，地產股前景不明朗，公用股息率吸引卻怕阿董迫減價，投資國企紅籌或民企又要面對較高的政策、經濟及企業管治風險。港府龐大財赤至今仍未有解決辦法，阿董還要強行推出影響本港金融中心地位的23條，北京及上海現時搞開放及國際化，反而特區要搞赤化，真係悲哀！
雖然孫九招推出後，有分析員預期樓價可升40%，不過樓市今時唔同往日。以往上車客以買二手樓為主，二手樓業主則套現再加點積蓄買新盤，資金在樓市內不斷循環推進，但現在首置客轉攻新盤，二手樓少人買，等同大量資金被凍結。港府除咗減少新盤供應外，其實可以限制貸款資助只用於購置二手樓，藉此解放二手市場。
最近新萬泰（433）原想以現金及發行新股向陳越買入上海地產項目，從而變相賣殼。不過，據聞陳越最終只想要錢唔要殼，最後新萬泰以9500萬元購入20%權益而非100%。此股最近藉賣殼消息由0.17元炒上0.195元水平，噚日跌3.6%，收0.187元。賣殼告吹消息傳出後，據講有人想搵機會出貨。
阿虎