二人男子組合Shine為慶祝除夕，日前在一間餐廳內，炮製俄羅斯雜啤梨金寶撻，初嘗入廚樂的Shine表現雀躍，兩人更大玩樂器，一於提早賀節。
今日是大除夕，二人男子組合Shine的徐天佑和黃又南要在工作中過節，明日元旦又要出席商台《叱咤樂壇頒獎禮》，雖然未能放假慶祝節日，但日前Shine仍應本報記者之邀，抽空前往位於尖沙嘴的Balalaika俄羅斯餐廳，初嘗入廚樂，一試整撻滋味。
Shine平日下廚只是煮即食麫，故今次二人表現得非常認真，並一同穿上廚師服，在甜品師傅指導下，炮製出一個俄式雜啤梨金寶撻。兩人由搓麫粉、用紅酒煮餡料以至焗撻部份，均一手一腳親力親為，雖然在製撻過程中有點雞手鴨腳，又搞到一臉麫粉，但總算順利製成，Shine並對自己的傑作大讚「好味」。
二人除了整撻大快朵頤外，Shine見餐廳內設有一個小舞台，旁邊又放了一些樂器，又南一時興起，便試彈三弦琴，而徐天佑亦試奏手風琴，二人玩得很投入。
今日是二○○二年的最後一日，又南回顧過去一年，不禁笑說：「我哋入咗行一年，但經歷嘅嘢好似人哋做咗兩、三年咁（因其唱片公司EMI發生人事變動），但都識咗好多人，有好多得着，我希望新一年可以賺多啲錢畀屋企人，身體健康，順順利利。」天佑則說：「我想再搞好啲音樂，Shine工作順利，希望屋企人身體健康。」
採訪：朱芷瑩
攝影：陳慧安
場地提供：Balalaika