張栢芝前晚在《新城勁爆頒獎禮2002》上，與舊愛謝霆鋒齊齊食白果。不知栢芝是否早知沒有機會攞獎，所以刻意缺席《勁爆》頒獎禮，前晚栢芝相約了朋友往唱卡拉OK，更聲言有獎攞也不會出席任何頒獎禮，對歌唱事業採取半放棄態度。
張栢芝加入樂壇短短四年間，成績每況愈下，猶記得她九九年踏足樂壇之初，在各大頒獎禮上一口氣奪得七個獎項，成績驕人。可惜栢芝後勁不繼，在過去兩年僅奪得三個獎項。
不過，栢芝似對其日走下坡的歌唱事業不太在意，前晚未有出席《新城勁爆頒獎禮2002》的她，原來並不是因為工作太忙而缺席，而是因為相約了友人往唱卡拉OK。栢芝前晚更聲言即使有獎攞，今年也不會出席任何頒獎禮。
栢芝前晚與弟弟張豪龍及友人到尖沙嘴美麗華商場的加州紅卡拉OK耍樂，逗留至凌晨約三時才盡興離去。邊行邊講電話的栢芝甫見記者，即嚷道：「哎，又有記者！」
問栢芝對「鋒芝四角戀人」在新城頒獎禮中齊齊食白果有何感想時，她自言不看報紙，故不欲發表意見。記者再問栢芝若有機會奪獎的話，會否出席頒獎禮，栢芝竟說：「我唔會去嗰啲頒獎禮，有獎都唔會攞。」
而對於有報道指栢芝剪短頭髮觸怒廣告商一事，栢芝否認說：「我剪咗好耐啦，其實只係剪咗少少啫，我覺得剪咗會靚啲，所以咪走去剪囉。」
栢芝所屬的環球唱片公司高層陳少寶，前晚在《勁爆》慶功宴上被問到為何旗下女歌手成績較男歌手失色時，陳少寶表示明年會積極捧多些女歌手，但當記者提到栢芝時，陳少寶即眉頭一皺說：「你問佢自己啦！」對於栢芝的成績一直沒突破，陳少寶語帶不滿地說：「佢都有出兩、三首歌嘅，產量唔多，佢拍戲吖嘛，又有好多嘢做呢！」
另一方面，栢芝昨日透過經理人公司中國星發言人李小姐表示，就前日有報道指她因受<