平安夜成班後生仔喺文化中心慶祝，亂咁塗污公物。事後各政府部門自被千夫所指。話咁快又到元旦，政府要補平安夜隻鑊之餘，重要防止舊年「HappyNewYear事件」重演，咪話唔頭痛。
八方聽聞民政事務局局長何志平正計劃喺元旦日到文化中心「踩場」，睇下乜嘢環境。不過何局長重未決定喺凌晨時分，人潮未散時去睇，定係第二朝天光先去「視察災場」。如果何局長決定喺凌晨時分去，怕唔怕俾人噴到一身都係呀？
不過何局長同八方講，其實後生仔破壞公物，應該有一定懲罰，但佢就唔主張用太過強硬嘅方式去處理，因為可能會適得其反，而且到時文化中心人山人海，有乜唔覺意控制得唔好，到時搞出乜事重唔好啦！
傳真︰2623-9278
電郵︰