話明唔再露肉嘅優香，最近又俾人借嚟過橋，拍潤膚露廣告都要着吊帶內衣教人沖涼！話說優香喺廣告入面飾演大學教授，原本佢正正經經教緊書，提到海草同綠茶嗰陣，有學生問：「係咪用嚟食㗎？」點知優香聽到之後，竟然除剩件吊帶內衣，大聲話：「係用嚟沖完涼搽嘅！」鏡頭一轉成班人重企喺課室跳舞！好在優香唔介意，佢話：「唔好睇跳得咁齊，我哋夾咗成日㗎！」