第日大家聽到有人話喺赤鱲角機場打高爾夫球，唔好奇怪，亦唔使擔心一桿打到個波上十層樓高，成架七四七打穿。其實，對方係講緊對住幅牆打嗰隻室內模擬高球場，事關香港國際機場驚啲轉機旅客等飛機等得悶，喺客運大樓裏面起咗個十八洞模擬高球場。
呢個場都算巴閉，透過大型電腦屏幕，球手可以親臨Belfry、StAndrews等八個國際知名嘅高球場，就連英國高球新秀冠軍NickDougherty都有去試玩呢個新玩意。球手將球擊向屏幕，電腦就會根據擊球力度同方向計算出擊球距離同桿頭速度，聽落又好似幾過癮。
（圖）英國高球新秀冠軍NickDougherty喺機場試玩模擬高球場。 機管局圖片
傳真︰2623-9278
電郵︰