過去數天聖誕佳節，不少人趁機出門遊玩，八方一位朋友也在上周五、六兩天去澳門玩。朋友話上周六下午五時半左右到達澳門旅遊塔參觀時，步入門口即見多架警車及貴賓平治房車到達，搞到佢哋無法入場，望清楚啲，原來係大人物到訪，呢位就係前任政治局常委兼中央軍委副主席劉華清。
朋友話，八十六歲嘅劉將軍相當精神，喺澳門政經界猛人簇擁下坐升降機到五十八樓室內觀景臺看看，但只睇了不足五分鐘便走，來去匆匆。朋友事後見到劉將軍喺留名冊上嘅墨寶，發現寫上兩個人姓名，除劉將軍本人外，另一個名字是經XX，其餘兩字則看不清楚，姓「經」嘅猛人，除咗經叔平，重有邊個呢？
（圖）劉華清喺觀景臺逗留五分鐘就走。
傳真︰2623-9278
電郵︰