馬季已經過咗一半，八方一位老友最近忽然接到馬會通知，話今年有特別優惠，啲賽馬會員可以中途加入雙魚河或者沙田會所嘅特許計劃，享用有關設施，收費減半。
八方老友話，抵死啦，今年市道咁差，人人都諗緊點減價留住班客，馬會就反而一聲唔出，靜雞雞將啲會費同特許計劃嘅收費大幅增加一倍，重話比起其他會所，唔係好貴啫，擺到明趕客。
話加就加，完全不顧會員利益，啲會員當然頂住條氣啦，咪齊齊唔幫襯囉。
況且雙魚河咁遠，唔去亦冇乜影響，不過人流唔夠，會所就好難經營得好。經此一役，馬會唔知會唔會醒番啲，明白收費唔係最重要，服務會員先至要緊！
傳真︰2623-9278
電郵︰