朱鎔基總理上次來港，公開叫啲會計師唔好做假帳。話口未完，香港有三間上市公司就涉嫌做數被ICAC請晒去飲咖啡，認真唔畀面朱總理。咁嘅情況，特區財金高官當然要做吓嘢。
其實自美國安然事件拖冧安達信之後，監管會計師核數師壓力大增，所以當馬時亨話要會計師公會進一步開放監督權，引入更多非業內人士去「執法」時，公會都好難抗拒。正當大家睇住個局點發展時，公會竟然釜底抽薪，唔只乜都應承，重大番你轉頭──建議設立一個完全獨立之委員會負責監察工作，不過經費呢，佢哋就唔負責咯。
會計界老友話，今次擺明係「洽」政府窮，亦睇死你唔敢攬上身。呢一招，其他專業團體要好好學習呢。
傳真︰2623-9278
電郵︰