日本三菱車廠喺剛過去嘅平安夜（12月24日），公布咗11月份嘅新車製造、銷售及出口數據，成績較前為好。
其中日本本土嘅新車製造數量上升10.1%（達78,608部），而上升嘅主因係新款Colt嘅推出，以及製造予美國市場嘅車輛數目增多有關；另外，海外生產線嘅整體產量，亦上升咗22.1%（達87,342部），若果分地區計算，亞洲區上升29.4%（達53,410部），美國則提高咗9.5%（達17,061部），而歐洲亦上升29%（達9,888部）。
整體出口數字亦見上升，若將私家車及商用車合併計算後，所得出嘅結果為38,329部，上升百分比為31.9%；若同樣以分區計算，亞洲及美國則分別上升29.1%及12.9%（達3,532部及17,309部），不過歐洲則錄得下跌29.5%，只有2,525部新車出口至當地市場。
雖然三菱喺亞洲、美國及歐洲地區錄得唔錯嘅成績，但本土嘅銷售數字卻掉頭下跌37%，只有27,053部（以私家車及商用車合併計算）；有如此成績，廠方歸咎於eKWagon銷情疲弱，而導致有此情況出現，但相信新一代Colt於11月11日推出至今，已接獲超過15,000張定單睇嚟，12月及明年嘅銷售數字，定必會變得較現時理想呢！