早幾日八方講過，城大語言資訊科學研究中心根據見報率，計算出兩岸三地嘅名人榜，喺香港名列榜首嘅係藝人謝霆鋒。城大噚日又公布綜合港、台、京、滬四地見報率嘅名人排行榜，頭二十三人中只有特首董建華一個嚟自香港，排行第九，比舊年跌咗兩級。
排第一嘅係美國總統小布殊；我哋嘅領導人江澤民同朱鎔基分別排第二同第三；巴人領袖阿拉法位列第四；新領導胡錦濤、吳邦國同曾慶紅亦告上榜。有趣嘅係，如果淨係計京、港、台，台灣總統陳水扁新上榜名列第三，但計埋上海嘅見報率就影都唔見。研究中心話，全國聚居最多台商嘅係上海，但上海傳媒甚少提及陳水扁，反而成日報道來自上海嘅NBA新秀狀元籃球名將姚明；姚明喺上海嘅見報率，重高過江澤民。
傳真︰2623-9278
電郵︰