假期水盡鵝飛，好多人都放大假，悶悶地，好彩八方收到機管局○三年月曆，發覺可以玩餐飽。呢個月曆內有乾坤，附有不同摺紙遊戲，例如揭到七月，就會有一隻立體紙飛機模型，到咗九月中秋節，又有個充滿節日氣氛嘅燈籠模型，十二月有棵聖誕樹，幾得意㗎。
除此之外，機管局月曆在四月附送復活蛋形問候卡，另每一個月嘅照片又可以剪低當明信片寄畀親友。相比之下，政府嘅飛龍月曆就較為悶蛋，一味硬銷飛龍標誌同埋維港煙花夜景，雖然話維港景色「百看不厭」，不過都係時候諗吓新橋。
（圖）講創意，飛龍月曆（右）又真係唔及機管局月曆嘅。
傳真︰2623-9278
電郵︰