呢個聖誕假期，八方打電話搵班議員老友傾偈，二十六日晚上一接通線，先知民建聯嘅蔡素玉竟然一個人呆坐在家。
八方問佢點解唔去玩，蔡議員就笑自己大懵，搞錯咗啲日子，以為二十六日有場展覽要出席，所以全家人返晒福建去飲，佢自己一個留喺香江。
唔講唔知，原來對於福建人嚟講，十六歲係一個大日子，要大排筵席請客，算係慶祝個男孩子成年，蔡素玉個姪孫今年剛好十六歲，所以咪返鄉下擺番三十圍酒慶祝吓咯。
而佢自己就原來去咗華僑大學開會，二十四號趕返香港，以為二十四同二十六兩日都有活動，點知二十六號下午checkcheck，先知係一月二十六日，認真大頭蝦。
（圖）蔡素玉下次有活動真係要check清楚時間先得。
傳真︰2623-9278
電郵︰