林嘉欣、關心妍及E-Kids等，昨日在葵芳新都會廣場出席「海皇義工同心日」慈善活動，吸引近二百名歌迷圍觀。
林嘉欣下星期將遠赴青島拍攝新片《TheFloatingLandscape》，早前有份演出的劉燁曾公開表示喜歡類似林嘉欣的女孩，問到林嘉欣兩人拍攝新戲時會否害怕傳出緋聞，她即鬼馬地說：「我都好鍾意佢，佢好好，佢其實好怕醜，但拍戲好認真，我可以喺佢身上學好多嘢。」
林嘉欣在片中飾演髮型師，她表示已經掌握剪髮的技巧，她說：「媽咪前幾日喺台灣過咗嚟香港過聖誕，二十六號我就幫媽咪剪頭髮，重一齊坐喺浴缸傾偈㖭。」
此外，關心妍表示預備了四套衫出席年終的各個頒獎禮，她說：「因為之前隻碟反應好，啲衫都係老闆畀錢。」
採訪、攝影：汪正文