每逢新一年嘅來臨，有好多車主都會趁機會為座駕換上新裝備，令新年出街時可以更加搶眼；要簡單將愛駒變得搶眼，換上新胎軨同輪胎就係最實際嘅方法。有見及此，今日我哋特別為大家帶來幾款最熱門嘅胎軨及輪胎，好讓大家有個參考嘛！
記者：黃凱穎
攝影：黃子偉
ImageGirl：Irene
產品提供：黃山汽車用品公司（25709654）
現時有好多MPV同房車，都喜歡換上18吋胎軨，貪其賣相夠大夠誇張；不過市面上所買到嘅18吋胎軨，售價都約為$4,000至$5,000一條，不過今日介紹嘅呢款$2,800（每條）嘅18吋日本Hart胎軨，就非常吸引。因為Hart響日本非常出名，而且擁有頂級嘅鍛造技術，喺15至17吋胎軨製造方面，經已有頗高嘅名聲，今次再嚟一條輕量嘅18吋胎軨，加上中等嘅價錢，可謂BestBuy之選。
呢條台灣仿VolkRacing嘅超輕胎軨，除樣靚之外，就連做工同重量都極為相似；呢條胎軨重量只有約10磅，比同級胎軨輕上接近一半。據知，台灣胎軨製造商已從日本引入頂級嘅鍛造技術，可以用一半嘅原料造出超硬同具彈性嘅合金胎軨。而輕量又有啲咩好處呢？一般用上15吋胎軨嘅汽車都係2000cc以下，馬力輸出較弱，加上胎軨係非懸掛重量，一旦行車時，一個二十磅重嘅胎軨會令車子重量增多約80磅，所以要加大汽車嘅引擎反應，最簡單方法就係用上較輕嘅胎軨喇。
約$950(每條)
以往仿OZ款嘅胎軨多數以14同15吋為主，不過KR就推出咗一款仿OZ嘅17吋胎軨。呢套胎軨外觀同OZ嘅製品頗為相似，但重量就比OZ嘅製品來得輕；據一啲資料中得知，KR胎軨嘅品質已接近日本產品，特別係表面已塗上特別嘅防鏽防蝕塗層，能令胎軨更加耐用。另外，呢款仿OZ嘅17吋胎軨，已用上幼身幅式設計，可有助改善制動系統嘅散熱.問題。
約$780(每條)
16吋胎軨最適合安裝於小跑車身上，例如標緻206GTi又或者係一般2.0公升級家庭房車身上，原因係樣子唔會太誇張，又唔會影響原來車身外觀，但又添上一份跑味。而呢款KR16吋胎軨，就係仿照CPFII製造，表面更拋光至薄薄嘅鏡面銀色，轉動時可謂非常搶眼。
呢款Donell18吋胎軨所用嘅係頂級沖壓鍛造技術，而用料更係一流；以品質嚟講，可算係18吋胎軨中頂級之列，而售價亦高達$4,800一條。
當大家為愛駒換上新胎軨之後，就梗係要同佢換番套新「鞋」（即輪胎）啦！所以我哋今日順道為大家推介四款輪胎；佢哋除咗可有高性能表現外，而且又有價錢相宜嘅款式，梗有一款啱你㗎！
尺碼：
205/50R16 $1,050（每條）（行貨）
215/45R17 $1,200（每條）（行貨）
PirelliPZeroNero以高性能為主，胎紋用上鯊魚鰭設計，喺排水方面會有出色嘅效果；另外胎質亦用上新物料，可以響最短時間內進入工作狀態，適合一般跑車或小跑車使用。而PZeroNero現時所提供嘅尺碼最細都要16吋，原用15吋輪胎嘅車主，想升級使用呢款輪胎的話，就需更換較大尺碼嘅胎軨喇！
尺碼：
205/50R16 $1,000（每條）（水貨）
215/45R17 $1,100（每條）（水貨）
BridgestonePotenzaS-03擁有雙層膠質設計，當輪胎損耗率低至50%時，特別膠質會自動溶合，發揮與新胎一樣嘅貼地能力，加上PotenzaS-03獨有胎紋側嘅排水線，排水性特強，故此響濕路上行走仍有唔錯嘅抓着力，不過售價較高。
尺碼：
205/55R16 $750（每條）（行貨）
225/45R17 $1,050（每條）（行貨）
德國Continental最新研製嘅ContiSportContactⅡ，用上輪胎史上首創嘅生物科技，模擬豹爪嘅胎紋，響高速跑動時能夠減低阻力，但當制動和起步時，就能夠將胎面接觸範圍增大，令制動距離減少至約20%，加上ContiSportContactⅡ係用上不對稱胎紋設計，故能夠喺彎路發揮更高效能。
尺碼：
205/50R16 $600（每條）（行貨）
215/45R17 $800（每條）（行貨）
DunlopLM702係好多歐洲車用家嘅首選，因為好多歐洲車例如寶馬，原裝已用上16或17吋嘅大Size胎軨，加上車身較重，所以每次換胎嘅所需費用都會較高；而LM702喺價錢同性能方面，都能夠取得中間位置。因為LM702嘅胎紋用上電腦設計，無論喺任何角度，都能夠有大量接觸面，胎質方面亦採用寧靜及舒適性設計，絕對適合歐洲房車使用。
如果你想以特惠價錢，選購台灣製嘅胎軨的話，不妨考慮一下以下呢個胎軨配搭特惠套餐啦！
15吋胎軨連195/55R15或195/50R15輪胎 $4,200
16吋胎軨連205/45R16或205/50R16輪胎 $5,200
17吋胎軨連215/45R17輪胎 $6,600
註：輪胎須選用DunlopLM702
選用車種：MiniCooper
輪胎尺碼：235/35R18
評語：車主Tony原先為佢嘅MiniCooper用上DunlopSP9000輪胎，但覺得SP9000偏向舒適性，當用上現時呢套PirelliPZeroNero之後，感覺可謂完全不同。Tony表示PZeroNero能在短時間內進入工作溫度，Warm胎嘅時間亦唔會太長，另外Warm胎前亦有良好嘅咬地能力。不過，佢呢條尺碼為235/35R18嘅PirelliPZeroNero，響香港暫時未有呢個尺碼，故此係特別從美國自行訂購。
選用車種：凌志ES300
輪胎尺碼：205/65R15
評語：不願上鏡嘅車主張先生認為，DunlopLM702喺價錢同性能表現方面非常了得，以呢個尺寸嘅輪胎嚟講，價錢可謂相當便宜，而且LM702抓着力比同級輪胎為高；他又表示以約$500就可以買到一條15吋輪胎，算係合理，響下一次換胎時亦會考慮再次選用LM702。