車婉婉及王喜昨日往將軍澳出席保良局慈善籌款活動，車婉婉昨日生日，她說：「其實本來係放假嘅，不過係慈善活動，我都想幫吓手。」
問車婉婉收到甚麼禮物？她平淡地說：「冇收到禮物，淨係收到好多朋友畀我嘅短訊。噚日都同屋企人食飯，好平淡。」她表示許下工作和身體健康作生日願望，問她為何不求姻緣？她說：「師傅麥玲玲同我算過，二○○四年我嘅真命天子就會出現，所以我出年先會求姻緣。如果係啱嘅，一拍即合，可能即刻會結婚。」
另外，車婉婉前男友陳小春下月一日及二日開個唱，問車婉婉會否往捧場？她說：「聽聞好爆喎！都唔知重有冇位，去唔到就心靈上支持佢啦！」