面對《無間道》、《英雄》同《哈利波特消失的密室》等多套猛片食盡頭啖湯嘅威勢，《金雞》終於喺上星期尾上畫作正面交鋒；平安夜鬧市大派安全套，加上大膽兼搞鬼嘅宣傳攻勢，以及戲中多粒巨星客串演出，的確挽回唔少人想一看嘅衝動！觀眾由開場笑到散場，踏出戲院時不停大談劉德華至搞笑一幕情景。
記者：朱崇德 攝影：陳陶鈞、黃子偉、朱崇德
記者在上畫首日（26/12），曾到人流較集中嘅新世紀廣場「嘉禾旺角電影城」，做過簡單的街訪調查，雖然已有兩院同播，《金雞》每場入座人數都有8、9成，走勢幾凌厲，睇完嘅人都話勁爆笑，尤其是劉德華客串一段，教金雞今時今日嘅服務態度，絕對笑甩髀！