查傳倜是金庸之子，遂問：「菜名咁有詩意，你老爹改定你改㗎？」他帶點傲氣地答：「貪得意玩吓啫，無乜特別，菜名唔重要，最緊要啲嘢好食。」說到其父，他更略帶囂張地說：「講食，我廣過佢、認識多過佢，佢？連港式老火湯都唔識欣賞，我？認為要煲到靚絕嘅青紅蘿蔔豬骨湯、螺頭燉雞湯，已經好有學問在！」囂人煮囂菜，食家菜有4冷盤9主菜，查傳倜說：「甜酸苦辣情慾在，試過你就知。」
查傳倜是金庸之子，遂問：「菜名咁有詩意，你老爹改定你改㗎？」他帶點傲氣地答：「貪得意玩吓啫，無乜特別，菜名唔重要，最緊要啲嘢好食。」說到其父，他更略帶囂張地說：「講食，我廣過佢、認識多過佢，佢？連港式老火湯都唔識欣賞，我？認為要煲到靚絕嘅青紅蘿蔔豬骨湯、螺頭燉雞湯，已經好有學問在！」囂人煮囂菜，食家菜有4冷盤9主菜，查傳倜說：「甜酸苦辣情慾在，試過你就知。」
要花朵「八袋弟子」查傳倜苦等三個月才開檔做生意的宋師傅，以前是帝苑酒店宴會部揸Fit人，問他：「查生係咪個多愁善感嘅人？」答：「食嗰陣就多愁善感，我啲嘢好唔好食，佢擺晒喺塊面度。」
甜言蜜語莫輕信（台式茄子伴脆鱔）中
鱔切片起骨，炸脆，用鎮江醋加糖煮，釀入茄子，味甜而不膩。
酸淚皆因雙思起（青瓜蘿蔔絲伴海蜇）下
撈醋、魚露的海蜇勁彈牙，青瓜與蘿蔔絲只是配角，增加酸味。
苦戀單思自己尋（苦瓜皮蛋仙掌凍）左右
苦瓜釀入無骨鴨掌，加皮蛋、參鬚，打苦瓜芡汁，苦到打冷震。
辣辛歲月轉眼過（白切肉卷辣椒粉皮）上
豬肉卷溫室辣椒，粉皮凍食，放心！不嗜辣者也頂得住。
將酒糟、南瓜茸、薯仔茸、蛋黃攪成汁，中蝦8成熟上碟，備油炸鬼，蘸南瓜汁食，勁飽肚。
食客Ron：「至鍾意個南瓜中蝦，啲汁勁惹味。」
店名：食家菜
地址：灣仔軒尼斯道186號3樓
電話：97351133
收費：$250/位（須1日前預訂）
梁思浩的奄尖很氣人，碟有黑點，即着助手換碟，助手說：「唔係污穢，係碟印，隻碟燒出嚟已經係咁。」「咁丟咗佢囉！」拍攝時，那道預先準備好的「肉鬆凍豆腐」因擺放太久出水，賣相欠佳，他着廚房重新煮過，攝影哥哥說：「唔使啦！我哋好趕，無謂嘥時間。」「嘩！乜你份人咁求其？唔得，換過碟先准影。」吹脹！奄尖，不代表那4道頭盤、6道主菜、1湯1甜品一定美味，但至少有「不會差」的保證。
阿Dee是思家菜總廚，12歲開始做廚房，20歲入電影界：「電影乜市道，唔使多講啦。」不得已，揸鑊鏟重操故業：「思浩奄尖到爆，一道菜可能已經過到所有人，偏偏佢會諸多挑剔，雖然私底下同佢好Friend，但佢一入廚房我就腳震，驚佢要將啲餸左改右改。」
分4層，分別夾着台灣最出名的黑市橋肉鬆和烘乾菜，冷凍切，蘸豆腐汁即食，擺放過久會出水。
屬清朝名菜，先在蛋殼開洞，倒走蛋黃與蛋白，釀入瑤柱、豆腐、蝦米、蟹膏、大閘蟹粉、蒜、冬菇、蛋白，蒸熟後破殼，再油炸，香口彈牙。
Kawaii：「好香，我要打包拎走。」
梁思浩慨歎：「細個無得食雞髀，啟發我發明呢道菜。」花雕酒煮雞髀，起骨，切片，夾京葱，咬落啖啖肉。
顏色賣相一流，由內至外分別是鹹蛋、皮蛋、蛋黃、蛋白，減肥人士小心，此三色蛋勁滯，吃兩件已頂肚。
黃己瑩：「陣酒味好正，最啱我呢亭顧儀態嘅靚女食，因為啖啖肉唔使𦧲骨嘛。」
店名：思家菜
地址：灣仔軒尼斯道51至53號聯新大樓6樓
電話：28655998（平日，1日前訂座；星期五至日，3日前訂座）
收費：$250/位
當家陳任很熱情，熱情得有點過份，事例一，硬要人家試食，記者與攝影師喊飽，他充耳不聞，食物就往你碗裏送，還說：「好嘢嚟㗎！試真啲，食多件啦！」教你不好意思不吃清光，但說真，真的好吃；事例二，站在舖內的名人簽名板側，一臉陶醉，說：「幾多名人明星簽名！」熱情化在食物裏，用美食交朋友，這就是名人食坊。
做過珍寶海鮮舫及各大酒店的文哥入廚20年說：「陳任份人係咁，熱情過龍，雖然佢係老闆我係夥計，但我哋經常玩到攬頭攬頸。」
半肥瘦豬肉內沒有馬蹄和冬菇，理由是：「加咗就會搶走大閘蟹粉嘅鮮味。」湯是老雞上湯加蟹，甜而不膩。
食客新仔：「我最鍾意獅子頭，個湯甜到跌渣。」
把傳統八寶鴨改良，鴨腔內放鴨肝、鴨肫、鴨腸及大量豬肉。鴨白鑊烘至出油變金黃色，沖水，再用豉油、蒜頭燜75分鐘，上碟。
店名：名人食坊
地址：中環士丹利街66至72號佳德商業大廈1樓
電話：28510600
收費：6位$1680、10位$2500、12位$2680、14位$2880。
營業時間：晚上6時半至11時半