驟眼望去，有點近似三菱最新CityRV嘅Colt，但一直伸延有長長車廂嘅佢，原來係計劃中下一代嘅三菱SpaceWagon新型號。據知，仍屬雛型嘅SpaceWagon，快者都要2003年尾才有望面世，新車除有一個FamilyLook嘅鬼面罩外，成三角聚焦大燈、附方向燈嘅門邊鏡組合，重有高置直立式尾燈配搭，均予人有耳目一新感，模式有點近似本田Odyssey。另方面，車廂除用上三排七座及八座位結構外，一套4前速自動波會放置於突出嘅中控台上方，而獨立四圓表板旁，重有四驅版嘅電子限滑差速按鍵；新車將會以一台全新4G69嘅2.4公升直4MIVEC偈作主打，而摒棄原有GDI結構，相信引擎響低、中及高轉會有更佳演繹。