康文署吸取尖沙嘴文化中心喺平安夜被嚴重塗鴉破壞嘅教訓，決定喺除夕晚增加多啲垃圾桶畀市民丟垃圾，希望佢哋唔好亂丟，點知立法會議員勞永樂噚日喺立法會特別會議上斥責政府咁做只係縱容市民亂丟垃圾，勞醫生話應該養成市民將垃圾帶返屋企先至丟，而唔係吓吓都要喺街上丟垃圾，外國已經養成咗呢種公德啦！
康文署官員回應話呢個係長遠嘅理想，政府會循住呢個理想去做，但勞醫生忍唔住即刻駁斥話呢個只係舉手之勞，而唔係理想！見到勞永樂咁勞氣，另一位議員吳亮星卻立即好幽默咁話，都好難怪勞永樂咁勞氣嘅，因為佢嘅姓氏係「勞氣」嘅「勞」，隨即引起哄堂大笑，連勞永樂自己都忍唔住笑埋一份。
傳真︰2623-9278
電郵︰