李蘢怡（Tiffany）和陳見飛前晚在電視城錄影節目《2002年度勁歌金曲新人駕到》，Tiffany穿上白色吊帶長裙扮模特兒行天橋，邊行邊唱。
Tiffany對於性感打扮，她說：「我一向扮相好男仔頭，所以一直好想扮公主，我為咗呢個造型駁長頭髮。」不過Tiffany背部肌肉比較厚，腰部又顯得有點臃腫，這個扮相似乎自暴其短。
Tiffany說：「我真空上陣，條腰就因為早前喺北京拍劇，食好多嘢肥咗，我開始積極減肥啦。」對於即將來臨的幾個樂壇頒獎禮，Tiffany謂會花五位數字，找朋友代設計戰衣。
另外，陳見飛前晚穿上背心牛仔褲，披上皮草，模仿美國紅星「籮霸」珍妮花洛庇絲（JenniferLopez），她說：「我好鍾意佢，佢好性感同充滿自信，不過我希望瘦番啲先作性感啲嘅打扮，我近日接咗瘦身廣告同隱形眼鏡廣告。」