瑪麗醫院噚日洋溢着一片歡樂氣氛，因為香港肝壽基金搞咗個聖誕派對，出席者中最細嘅換肝者，係一歲幾嘅蔡心怡。呢個BB女五個月大就接受咗姨媽捐嘅肝，𠵱家肥肥白白非常可愛，重識皺晒眉話食嘅藥有少少苦。
肝壽基金不經不覺已經成立十年，為四十二個香港嘅兒童移殖肝臟，不過瑪麗醫院小兒內科醫生陳廣亮就話，太多人等換肝，死後肯捐肝嘅人卻太少，所以好多小朋友，等唔切做手術已經去世。出席嘅嘉賓肥媽重搞笑，話啲人小小事就燒炭死，連肝臟都壞死捐唔到畀人，真係嘥晒。
（圖）肥媽（戴眼鏡者）歎燒炭自殺嘅人，嘥咗個肝。
傳真︰2623-9278
電郵︰