男子組合EO2前晚在電視城錄影節目《2002年度勁歌金曲新人駕到》，刻意模仿台灣人氣組合F4。EO2的扮相十分神似，但他們卻表示想嘔，而台下觀眾則看得十分投入。
四人男子組合EO2、三T小花鄭希怡（Yumiko）、谷祖琳、張鎧潼、關心妍、蕭正楠、趙頌茹、陳思慧、三人男子組合E-Kids和李蘢怡等新人，前晚在電視城錄影節目《2002年度勁歌金曲新人駕到》。
男女歌手分組比賽，他們又分別作才藝表演，其中EO2模仿台灣人氣組合F4掀高潮，現場觀眾看得十分投入，結果男子組以二比一勝出。
EO2的四位成員謝凱榮（Eric）、王志安（Otto）、洪智傑（Osman）和彭懷安（Eddie）分別戴上假髮，模仿F4的周渝民（仔仔）、朱孝天、言承旭和吳建豪。四人的扮相維肖維妙，他們演唱時，舉手投足幾可亂真，十分搞笑。
問EO2為何扮F4，他們說：「佢哋紅嘛，又係我哋嘅目標。不過扮佢哋都覺得有啲嘔，因為EO2就係EO2，我哋都冇醜化佢哋，fans應該唔會唔鍾意。但係我哋覺得唔係好似F4啫，因為我哋皮膚黑啲。」
此外，三人男子組合E-Kids演繹陳奕迅的歌曲《K歌之王》時，被觀眾報以噓聲和被叫「收皮」，E-Kids說：「我哋聽唔到噓聲，可能緊張得滯。我哋唔可以控制全世界嘅人鍾意我哋，亦唔會唔開心，我哋都有同歌迷講，未輪到我哋出場都要叫其他歌手嘅名，要有禮貌。」
Yumiko則表演士的舞，扮相酷似韓星朴志胤，可是Yumiko卻否認，她說：「我唔係抄佢，為咗呢隻舞，我專登跟老師學，我畀自己七十五分。」而張鎧潼邊玩呼拉圈邊唱歌時，頻頻失手，又忘記歌詞。
採訪：楊潔雯
攝影：仇志德