楊千嬅昨日出席《2002年度十大勁歌金曲頒獎典禮》假美麗華酒店舉行的記者會，大會的新聞稿指鄭中基（Ronald）會到場，但他最後沒有出現，正東唱片公司陳小姐指Ronald事前已經知會無綫。
記者問及楊千嬅會否覺得Ronald因怕與她同場而避席，她說：「咁呢啲嘢你哋問番佢公司啦，我諗呢行任何一個做多過三年嘅人都唔會做啲咁幼稚嘅嘢。」
再問千嬅有關Ronald被指抽CATGirl水一事，她續說：「幾時嘅事呀？我冇考究過。娛樂新聞都係炒作，唔會放喺心上。我覺得任何一個藝人去做呢啲事都好戇居，我相唔相信都唔係最重要。」最後問她有否與Ronald慶祝聖誕，千嬅激動地說：「點解我一定要同佢慶祝？但我有sendecard畀佢。」
而《勁歌》監製陳家倫對於鄭中基缺席，表示不知情：「我都要問番佢唱片公司，因為佢冇解釋點解唔嚟，佢之前話會到㗎。」
採訪：王連連、李珮洳
攝影：林德雄