聖誕新年假期有乜節目？如果唔想去文化中心人迫人，八方介紹大家睇套由一班天真無邪嘅小朋友表演的音樂劇。前工商局局長、現任中國世貿資訊專家顧問周德熙位靚太太黃英琦，向八方極力推介一套兒童音樂劇《來自巴巴星的王子》，套劇昨晚喺理工大學賽馬會綜藝館首演，一直演到明年一月一日，黃英琦身為香港兒童音樂劇團創辦人及主席，當然要八方去捧場。
呢套原創音樂劇，劇情非常有創意，主角係兩位年紀愈老外貌愈年輕嘅巴巴星王子，流落地球失散，遇上食人花、大蟒蛇同南美洲土人……百二位小朋友又唱又跳，同梁繼璋、羅啟新、Mango等落力演出，如果大家有興趣，可以查詢快達票售票網買飛。
﹙圖﹚百二位小朋友喺劇中將會又唱又跳。
傳真︰2623-9278
電郵︰