消防處第七十三間消防局噚日喺馬灣開幕，八方應邀出席典禮，點知搵嚟搵去都唔見鮮紅色嘅建築物，後嚟撞到嗰消防好友，先知道前面間淡杏色同淺紅色嘅樓至係。
消防好友同八方講，間消防局係消防處同馬灣發展商新鴻基地產合作興建嘅，用咗三千二百萬元，全數由新鴻基地產負責，消防處同發展商喺過程中亦達成共識，設計同顏色都要打破傳統，配合四周環境，所以用淡杏色搭淺紅色，驟眼睇都唔知係間消防局。
馬灣公園有限公司主席梁乃鵬噚日喺開幕禮中提到，佢哋正密鑼緊鼓籌備興建馬灣公園，落實馬灣成為環保城市主題。而公園中重會設立一個類似日本當地嘅消防教育中心，向大眾灌輸消防意識。不過，公園發展計劃未有具體細節，最快都要○四年底先可以動工。
﹙圖﹚馬灣消防局務求與四周環境融合，唔用傳統鮮紅色。
傳真︰2623-9278
電郵︰