香港人慶祝一下聖誕就搞到文化中心烏煙瘴氣，毫無公德心，近日嚟香港訪問嘅日本女登山專家田部井淳子，就行山行到身水身汗都不忘保持自然環境潔淨，向全球積極推廣行山環保教育，香港人真係要好好反省。
田部井係世界第一位女性登上全球最高嘅珠穆朗瑪峯，至今行過四十個國家共一百零七個山峯，佢今年雖然已六十三歲，年逾花甲，但仍夢想喺有生之年行晒一百五十個國家嘅山峯，而且重係一邊行山一邊執垃圾，即使自己食完生果嘅核都唔會留低一粒，佢話：「希望讓下一代看到大自然最自然的一面。」
田部井來港數日已經行過香港多個山嶺，佢最欣賞就係八仙嶺同西貢郊野公園，因為景色靚，地方又乾淨，佢明年重會組織八十個亞洲學生來港行山。
﹙圖﹚田部井淳子想明年喺香港宣傳行山環保教育。
傳真︰2623-9278
電郵︰