早前，亞Mark話過日產香港代理，稍後會引入全新一代嘅FairladyZ，雖然呢部高性能房跑車，唔預計佢會有高銷量，但響車廠同代理立場嚟講，佢會係SkylineGT-R戰神以外，另一部可以提升車廠形象嘅代表作！亞Mark最近亦已經收到消息，話新款FairladyZ會係代理香港區新Showroom嘅特別嘉賓，隨後響1月下旬，佢哋重安排咗香港傳媒，前赴濠江作實地試車㖭！據知，代理引入嘅新款FairladyZ，會以自動波版作主打，以迎合較多車迷嘅要求嘛！係「淑女」Fans嘅你，咁就要記住新Showroom開張嗰陣，親身去睇吓喇！