警隊一哥曾蔭培向來係馬場稀客，之不過為咗幫警察盃頒獎，噚日天寒地凍都帶埋老婆一齊入場，結果第九場二班千四米警察盃由蔡廐嘅「電子金龍」大熱捧盃，賽後由曾蔭培夫人將獎盃頒畀馬主盧榮民夫婦。
雖然「電子金龍」贏馬兼捧盃，但返到凱旋門之時卻滿口鮮血，原來喺競賽途中流鼻血，呢隻馬忠心兼有靈性，拚命捱過終點，盧榮民夫婦見到愛駒跑到流鼻血，都有啲唔開心，所以接受獎盃時都冇乜笑容。
（圖）曾蔭培夫人頒獎畀馬主盧榮民夫婦（前排左一、二）。不過喺鏡頭右邊嘅一哥俾人遮住咗！
傳真︰2623-9278
電郵︰