爾冬陞與星皓老闆王海峰本已有官司糾紛，昨日有報道指王海峰日前又到警署報案，指爾冬陞將不可轉讓的古龍名著《三少爺的劍》的版權賣給星皓，涉嫌有刑事欺騙成份。昨日王海峰接受電話查詢時說：「我籌備呢套戲使咗百五萬，又搞劇本又去睇景，𠵱家等警方處理，再同律師商討睇吓可唔可以追討損失。」
另外，有消息指爾冬陞最初入稟向星皓追討十五萬欠薪一事，早前他已向法庭提出撤銷申請，爾冬陞昨在電話解釋說：「欠薪單官司因為佢（王海峰）後來反告我，所以法庭將兩單官司合併一齊處理，唔係撤銷。我哋另外有單《三少爺的劍》嘅官司搞緊，所以佢又為呢件事再去報案，就係構成滋擾，而且根本唔牽涉刑事，我一啲都唔擔心，佢只係想破壞我聲譽啫。」
星皓藝人林嘉欣昨在港台談到此事時則說：「我都唔知咁嚴重，希望佢哋安靜坐低處理，快啲解決，唔好傷感情啦。」
採訪：朱芷瑩、何永寧