聖誕佳節，見番好多老友，大家一講起特區都好感慨，本來一個中西文化薈萃之大都會，點解幾年間會搞到人心惶惶暮氣沉沉？
有人話係因為董特首唔識用人。講起用人，一位心水清者話，阿董最重用兄弟幫，無論飲過洋水之兄弟，上海同鄉之兄弟，以至本地長大之兄弟，呢幾年都撈得好掂。
八方一諗，馬上諗到馮國經馮國綸、田北俊田北辰、鄭維志鄭維健、曾蔭權曾蔭培、曾鈺成曾德成、羅嘉瑞羅康瑞……重有唐英年，自己貴為部長，班兄弟雖然低調，但最近政府委任生產力促進局新成員，已經見到唐慶年名字。
阿哥從政，細佬打理家族生意，然後出任公職，做政府智囊，又或者北上打通人脈；再諗一諗，董建華、董建成亦係同一模式，治港不離親兄弟嘛。
傳真︰2623-9278
電郵︰