跟靚仔模特兒學煮派對小食慶元旦

James日間在日本國家旅遊局當資料部主任，假日又兼職做模特兒，所以相識滿天下，聖誕節雖然剛過，但他的節目一浪接一浪，派對開完一個又一個，一直排至元旦，而自言是「廚房佬」的他，每次開派對的食物都由他包辦，實行以食會友，開開心心過元旦！

記者：陳珮娟　攝影：陳智良
逢星期一至五刊出

James煮食格言：不能盡信食譜
James曾為滙豐銀行、九廣鐵路等拍電視廣告，又跟泰國雜誌《Image》、《壹本便利》拍硬照，更在2000年香港短片比賽，憑《MissionCompleted》獲得優異獎。佢好鍾意搞創作，好似正當我品嘗兩味小食時，他失驚無神咁話：「煮嘢唔好跟食譜煮，因為味道係由自己定，唔係由人哋幫你定」、「要你自己先知自己嘅口味，人哋覺得好味，未必啱你胃口！」

左溝右溝　炸牛奶雞柳
James之前的一份工是在設計公司工作，每次公司開派對，都由他負責食物一環，炸牛奶雞柳便是其拿手好戲。用牛奶醃雞柳可令雞肉更加滑身，至於惹味的醬汁，竟然是James左溝右溝地試出來！

材料：
（6人份量）雞柳3/4磅

醃料：
雞蛋（拂勻）1隻、全脂牛奶400毫升、香蒜粉1.5茶匙、檸檬皮茸1隻、乾奧里根香料（Oregano）3茶匙

炸粉：
多用途麵粉1杯、麵包糠1杯、鹽1茶匙、胡椒粉適量

醬汁：
牛扒汁1/3杯、黃糖或蜜糖半杯、檸檬汽水1罐、已溶牛油半杯、紅酒4湯匙、洋葱碎1/4湯匙、蒜茸41/湯匙、醋1湯匙、鹽1/4湯匙、黑椒1/4湯匙、檸檬汁半湯匙、辣椒粉1/4湯匙

做法：

1　雞柳洗淨，落醃料醃2至4小時。將醬汁材料（除了洋葱碎及蒜茸外）以慢火煮滾。

2　爆香洋葱碎及蒜茸，傾入醬汁，煮至醬汁稠身。其間須不停攪拌，以免洋葱及蒜茸黐底。另辣椒粉的份量，可視乎你的嗜辣程度。

3　將炸粉材料拌勻，把已醃好的雞胸肉條印上炸粉，下鑊以慢火炸至金黃，以醬汁佐食。

試味報告：
雞柳有牛油香，但醬汁起了反客為主的作用，醬汁辣辣哋，正！

搞幾搞薯茸棋子
James在一個德國朋友家試過這味薯茸棋子，但材料方面只用香葉及煙肉，於是James自行加入一些個人喜歡的材料如洋葱、蘑菇等，一如他的口訣一樣：味道是由自己定！

材料：
（6人份量）薯仔6至8個、雞蛋（拂勻）2隻、多用途麵粉2湯匙、BakingPowder1/4湯匙、鹽半茶匙、黑椒1/4茶匙、洋葱半隻、煙肉1包、蘑菇6至8粒、乾奧里根香料5茶匙、橄欖油或已溶牛油2湯匙

做法：

試味報告：
熱食最好，薯茸外香內腍，煙肉及蘑菇跟薯茸好夾！