八方噚日講飛哥與陳太嘅古仔，即刻有老友打電話嚟報料，話當日飛哥安排陳太喺陳太個妹屋企同北大人會面，大家重傾得好高興；佢重話其實飛哥早前已爆過唔少料，叫八方睇吓。
正如飛哥多次同八方講，陳太錯過咗做特首嘅良機，可能係指九六年嗰次，雙方喺香港見面之後冇幾耐，陳太就由倫敦直接飛去北京，正式打開與中央嘅對話之門，當時老董重未宣布參選。
至於第二次飛哥中斷人大會議，由京返港問陳太突然辭職係咪想選第二任特首，四萬一聽到直截了當答：「你估我癲咗咩！」重叫飛哥轉達畀北京知，佢絕對唔會選。
於是飛哥呢隻信鴿即時飛返北京滙報，叫錢其琛哋放心。
陳太一舉一動深受北京關注，唔怪得佢要扮演香港良心，落台後重不斷發言，向老董開炮。
（圖）陳方安生
傳真︰2623-9278
電郵︰