𠵱家政府成日呻窮，官員一舉一動都好小心，驚俾人話浪費公帑，搞到啲司長、局長出差要坐經濟客位，有啲部門又話唔敢搞聖誕同新年派對，連懲教署署長伍靜國退休，都唔搞檢閱禮咁話。
不過，黃大仙警區指揮官戴誠退休，就引起唔少是非。
早排已經有人向傳媒投訴，話一班警員為替戴誠搞歡送會，要集體放假，抽調衝鋒隊人員頂更，戴誠事後話事件係誤會，出席人員都係放假抽空到場。
點知呢兩日警察非官方網頁「警察俱樂部」個討論區又再有人話，聽日黃大仙警區為戴誠舉行退休檢閱，搵嚟輔警同警察樂隊步操和演奏，浪費人力物力。
呢兩日係聖誕公眾假期，八方無法向官方求證呢件事。
傳真︰2623-9278
電郵︰